Hezkuntza zerbitzua
Baliabiderik ez duten eta arrazoi desberdinengatik eskolatu gabe dauden auzoko haurrei kalitatezko hezkuntza eskaintzea da Sunu Buga Buga Growing in The Gambia-ren lan nagusia. Lehen egunetik, balioetan eta ezagutzan oinarritutako hezkuntzara bideratu gara. Desde el primer día de su apertura, el Sunu Buga Buga ha estado enfocado en la educación tanto en valores como en conocimientos.
Sorreran genituen ABC tailerrek bide eman zioten ikastetxeari; hasieran makilaz eta palmondo-hostoz egindako eremu bat zen. Egun Sunuk duen Haur eta Lehen Hezkuntzako ikastetxeak eraikin sendoa du, ondo antolatua, ofizialki onartua eta Ganbiako Hezkuntza Ministerioak ondo baloratua.
Ikastetxea komunitatearen erdigunean dago eraikita. Lursaila 2014an erosi zen, 2016ean eraikuntza hasi eta 2017ko lehen seihilekoan bukatu zen.
Egun 165 ikasle daude gure eskolan Haur eta Lehen Hezkuntzako ikasketak egiten. Gainera, 2021/2022 ikasturtean Bigarren Hezkuntzan dauden 36 ikasle diruz laguntzen ditugu.
Ludoteka
Arratsaldeetan hezkuntza lana komunitateko haur guztiengana hedatzen da, alegia, goizetan beste eskola batzuetara joateko aukera dutenak ere Sunu Buga Bugaren parte dira.
Zentroak ludoteka zerbitzua eskaintzen duenez, komunitateko umeak jolastera, irakurtzera, margotzera… hurbiltzen dira. Gainera, formakuntzaren osagarri diren, dantza, karate, josketa, eskulan, antzerki eta antzeko tailerrak egiten ditugu.
Ludotekan 300 haur baino gehiagok parte hartzen dute. Asko direnez taldeetan banatu behar ditugu: alde batetik, nagusienak (8 eta 14 urte bitartekoak) astelehen eta asteazkenetan; beste aldetik, txikienak (3 eta 8 urte bitartekoak) astearte eta ostegunetan.
Larunbat arratsaldeetan Sunu Buga Buga zinema areto bihurtzen da adin talde guztientzako, eta argindarra joaten ez den egunetan, bi pelikula proiektatzen dira.
